*////·B3T1 ALA1·////*

Ekinodermatuak: bururik ez duten itsas animaliak dira.Simetria pentaradiala dute. Ugalketa sexuala dute. Birsorkuntza gaitasun handia dute: itsas izar bat erditik ebakitzen bada, zati bakoitzak izar berria osatuko du.

Laudio Hainbat herrialdetako produktuak izango dira salgai Bidezko Merkataritza Azokan

anakoz amenabar

Laudioko (Araba) herriko plazan Bidezko Merkataritzaren aldeko Gabonetako Azoka antolatuko dute igandean. Iparralde-Hegoalde herriko taldearen ekimenez, hainbat herrialdetatik ekarritako elikagaiak eta eskulanak izango dira salgai. Antolatzaileek azaldu moduan, justizia soziala, giza duintasuna, giza eskubideekiko errespetua eta ingurumenarekiko errespetua ditu oinarri azokak.

Ekimenak garapen bidean diren herrialdeentzako lankidetza tresna izan nahi du, antolatzaileen arabera, esplotazioa eta dependentzia ekiditeko xedez. Hala, azokarekin batera, herritarrei aferaren berri emateko informazio gunea eta hainbat ekintza ere antolatu dituzte.

Gasteizen, bestetik, bidezko merkataritzaren inguruko erakusketa izango da Amarica aretoan, hilaren 23a bitartean. Eskulangileek egindako produktuak ikusi eta erosteko aukera izango da bertan, arropa osagarriak eta Gabonetako apaingarriak tartean.

Ordubeteko lanuzteak egin dira 18/98ko auzipetuekin bat egiteko

Mobilizazio horien bidez auzi politiko horretan epaitutakoen kontra iragarri dituzten zigor handiak salatu nahi izan dituzte. Besteak beste, LAB, ESK, EILAS, Hiru eta EHNE sindikatuek egin dute bat deialdiarekin. BERRIA argitaratzen EKT enpresako langileek ere lanuztea egin dute, batzarrak hala erabakita.

18/98 auziko epaia ez du eman oraindik Espainiako Auzitegi Nazionalak, baina dagoeneko espetxeratu egin dituzte auzipetuetako gehienak eta zigorrak gogorrak izango direla iragarri dute.

Atxiloketa eta espetxeratzeak hasi aurretik, epaia zigortzailea izan zitekeela susmatuta, mobilizatzeko deia egin zieten auzipetuek herritarrei. Zehazki, bi mobilizazio proposatu zituzten: manifestazio nazional bat egitea eta ordubeteko lanuztea. Hain zuzen ere, kartzelatzeak gertatu zirenean, gaurko egunerako jarri zuten data, 12:00etatik 13:00etara.

Hala, lanuzteez gain, ehunka elkarretaratze egin dira herrietan eta lantoki atari askotan. Besteak beste,
LAB, ESK, EILAS, EHNE eta Hiru sindikatuek egin dute bat deialdiarekin. BERRIA argiratzen duen EKTko langileen batzarrak ere bat egin du lanuztarekin.

Britney Spears bere hileta prestatzen ari da
2007/11/27
Antza denez, etorkizuna oso beltz ikusten du 'pop-aren printzesak' eta badaezpada ere, 33.000 euro aurreratu dizkio ehorztetxe bati. Lagunak oso kezkatuta dauzka.

Britney Spearsek bolada penagarria darama, alkohol eta droga gehiegikeriak barne. Hala, bere bizitzaren inguruko hausnarketa egin eta hileta ordaintzen hastea erabaki du.

Bere lagunek azaldu dutenez, daukan depresioa dela eta hartu du erabaki hori Britneyk. Moralez baxu zebilen azken aldian eta bere bi semeen zaintza kendu ondoren hondoa jo omen du.

"News of the world"ek argitaratu duenez, oraingoz lursaila erosi du hilerrian baina helburua guztia konponduta uztea omen du, baita hileta-elizkizuna ere.